شــــــــــط النيـــــــل

شــــــــــط النيـــــــل


 
الرئيسيةالرئيسية  البوابةالبوابة  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 و أهو بكره نقول كانت ذكرى وعشنالنا يومين ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elsendrila
عضو نشيط
عضو نشيط


انثى
عدد المساهمات : 701
تاريخ الميلاد : 01/01/1991
تاريخ التسجيل : 10/02/2011
العمر : 26
الموقع : قــــلـــ♥ــــبى

مُساهمةموضوع: و أهو بكره نقول كانت ذكرى وعشنالنا يومين ...    الخميس فبراير 17, 2011 1:02 am


الحب × الزواج

عشره × حنين

نسيان × ذكريات


أديكم مثال بسيط مختصر ف الاول ...

حسين كان بيحب فوزيه جدا

كان بينهم عشق الكل بيحلف بيه

مرت الايام و خلصوا الاتنين دراسه

وجيه وقت الارتباط الرسمى

متأخرش حسين و راح إتقدم

لكن ظروفه مكنتش اد كدا و لسه متخرج

وهيبتدى يكون نفسه

الاهل رفضوه و قالولوا اما تبقى جاهز البنت موجوده

طلب حسين خطوبه حتى عشان يضمن ان البنت بتاعته

رفضوا و قالولوا كون نفسك و تعالى

راح حسين إشتغل يمين و شمال و موت نفسه ف شغله

عشان يلحق حبيبته

وف يوم جيه علاء الدين ببساطه من السعوديه

نذل ع بيت فوزيه وهو معاه من ملك الدنيا كل شئ

قيمه و وفلوس تتمناه اى بنت

ويتمناه اى اب و ام لبنتهم

الاب و الام وافقوا

و الفلوس بتعمل كل حاجه

مع إنها مش كل حاجه

و إولع يا حسين كل شئ قسمه و نصيب

فوزيه رضيت و هتنسى بالعشره

بكره هتبقى ف حضن جوزها والايام بتنسى

حب إيه يا ناس دا علاء الدين

الى بتتمناه اى واحده

وإنتهت حكايه حسين و فوزيه

يوم جواز فوزيه بس لواحد غير حسين


بدايه كدا عاوز تعليق ع القصه دى

ومحدش يقول كلمه قسمه و نصيب





طبعا كلنا عارفين ان الحب دا

اجمل شئ ف الدنيا كلها

لا غلط !!!

مش كلنا عارفين كدا

ف ناس عندها حاجات اهم من الحب بكتير

ومش كل الناس بتفهم يعنى إيه حب

حتى الى واقعين فيه



الحب هو الحل الوحيد لكل صراعات

ومشاكل الحياه

بالحب تهدأ و تطمئن النفوس

بالحب نكون او لا نكون






تقدر تتكلم عن روحك

يا حبيبي خلاص ما بقينا اتنين

طول عمرنا عايشين روح واحده

دلوقتي خلاص بقينا روحين

واهو بكره نقول كانت ذكرى

وعيشنالنا يومين


قعدت افكر كتير جدا ف الكلام دا

هل ممكن دا يحصل !!

ولا دا كلام اغانى

بس لقيت ان فعلا كلام الاغانى

هو الى بيحصل





هل ممكن الحب و الذكريات و الحنين

كل دا ممكن يتنسى ف لحظه

طب إذاى !!!

قعدت اسال نفسى كتير اوى

طب يا ترى عشان الفلوس !

عشان الحب حاجه و الجواز حاجه !

ليه بنعمل كدا ف قلوب حبيتنا بجد

ليه بنضيع من إيدينا حاجات

عارفين اننا مش هنلاقيها تانى ابدا







ف رأيى إن دا أكبر ظلم

بنظلمه لنفسنا و لحبيبنا

عشان بنفضل حاجات ملهاش قيمه

ع الحب الى بجد هو اغلى الاشياء





ف رأيى الشخصى إن نسبه كبيره جدا

من الازواج الى عايشين مع بعض

محدش فيهم بيحب التانى

ونقف هنا لنقطه .. إيه هو الحب

عشان الناس الى هتقول انهم عايشين

ف سعاده و دفء و حنان





الحب الحقيقى هو الى بييجى قبل الجواز

الى إتجوزتها عشانه

مش الى طلعلى بعد ما إتجوزتها


طبيعى جدا إنى هحب رئيسى ف الشغل

بحكم التعود و العشره كل يوم

هحب أصدقائى ف الكليه

بحكم اننا كل يوم سوا

هحب جوزي بحكم إنى اتجوزته

وكل يوم ف وشى ف البيت

وبتكلم هنا ع التعود بشكل عام

عشان ميجيش حد ناصح و يقولى

ما هو لو مش كويس مش هحبه !

ف فرق شاسع


بين حد كويس تتعود عليه

و حد تحبه ...




الحب الحقيقى الى بجد

هو الى من غير قيود

هو الى محبيتوش ليه عشان جميل ولا فلوسه

عشان محترم و من عيله و ع خلق

عشان جوزس ...

دا مش حب

دا ف مبدأى بسميه


تعود و ألفه متبادله بحكم العشره

بعيد كل البعد عن معنى الحب






ليه دايما كل قصص الحب الاسطوريه

بتنتهى بمأساه


ليه روميو مبقاش مع جولييت

ليه م... مبقاش مع حبيبته

ليه و ليه و ليه !





هنقول الزمن دا مبقاش فيه حب !

نعيب زماننا و العيب فينا

وما لزماننا عيب سوانا


أومال المشكله ف مين !

كدا تبقى فينا بأه إحنا ...






بس الواضح جدا

إن الحب ع كوكب الارض

للعرض فقط ...






كام واحد فينا عايش مع حد مكنش بيتمناه

واللى بيتمناه عايش مع غيره

وغيره مكنش بيمتناه

واضطر يقبل حب مكنش فى يوم ليه ولا كان على هواه

جوايا احساس بيموتنى ومشاعرى اعمل ايه فيها

احساس بيخنقنى واعمل ايه

دى حاجة مقدرش اتكلم فيها

وخصوصا بعد لما بقى بينا حاجات

لازم نكمل ونعيش ليها

بيبقى فى حضنى وبين ايديا

وعقلى وقلبى مش وياه

مع حد تانى كان نفسى هو مكانه

وانا ابقى معاه

ودى اخرة اللى يحب بعقله

ويلغى مشاعره ويحسبها

فى مرة حبيبى غلط فى اسمى

سألته .. رد وقال مقصدش

مش يمكن برضه حاسسلى هو نفس الاحساس دا

وانا معرفش !





متهيألى الكل فهم اقصد إيه

وهو دا بالظبط موضوعى ...

عاوز تعليق ع الكلام الى فات دا !





ليه نرضى بحد مبنحبهوش

بحجه إنه مثالى

و ليه نضيع حد بنحبه

بحجه إنه .......؟





عاوزه أعرف رأيكم ف الفرق بين التعود و الحب

عاوزه رأيكم ف حبيب مثالى و حبيب تحبه بجد

عاوزه نقاش ووجهات نظر ف الموضوع ككل ...
الرجوع الى أعلى الصفحة اذهب الى الأسفل
أميرة قلب حبيبى
Admin


انثى
عدد المساهمات : 284
تاريخ الميلاد : 27/11/1986
تاريخ التسجيل : 10/01/2011
العمر : 30
الموقع : فى أحلى بلد فالدنيـــــ مصر ـــا

مُساهمةموضوع: رد: و أهو بكره نقول كانت ذكرى وعشنالنا يومين ...    الخميس فبراير 17, 2011 4:26 pm

عاوزه أعرف رأيكم ف الفرق بين التعود و الحب

لا الفرق كبير اوووى ..بصى لو وجهت الطرفين مشكله التعود
عمره ما هيخليهم يستحملوا بعض اصله تعود وهما لسه متعودوش عالمشاكل
انما اللى بيحبوا بعض هتلاقيهم بيتسابقوا مين يشيل عن التانى



عاوزه رأيكم ف حبيب مثالى و حبيب تحبه بجد

لا يا ستى انا فقريه وبحب الحبيب اللى بجد اه انا مقتنعه ان الدنيا دى كفااح
اما الحبيب المثالى ده حاجة خنيقة من غير اى معاناه
بلاش منه



عاوزه نقاش ووجهات نظر ف الموضوع ككل ...


موضــــوع جميل منك يا منه
كالعادة متالقه
مزيد من التألق والتقدم باذن الله





تحيــــاتى الى من علمنى الحياه
الرجوع الى أعلى الصفحة اذهب الى الأسفل
http://thenile.forumegypt.net
elsendrila
عضو نشيط
عضو نشيط


انثى
عدد المساهمات : 701
تاريخ الميلاد : 01/01/1991
تاريخ التسجيل : 10/02/2011
العمر : 26
الموقع : قــــلـــ♥ــــبى

مُساهمةموضوع: رد: و أهو بكره نقول كانت ذكرى وعشنالنا يومين ...    الجمعة فبراير 18, 2011 12:01 pm

تسلميلي يا سمر

بجد ميرسي علي اهتمامك وردك الجميل

نورتي التوبيك بوجودك
الرجوع الى أعلى الصفحة اذهب الى الأسفل
 
و أهو بكره نقول كانت ذكرى وعشنالنا يومين ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شــــــــــط النيـــــــل  :: الفئة الأولى :: شـــــواطئ العام :: شـــــط النقاش والقضايا الساخنه-
انتقل الى: